“დადგენილია, რომ ბრალდებულმა, ერთ-ერთ მოქალაქეს, სახელმწიფო პროგრამის ფარგლებში, სახელმწიფოს საკუთრებაში არსებული 224 000 ლარის ღირებულების მიწის ნაკვეთის და მასზე განლაგებული შენობა-ნაგებობების 1 ლარად გადაცემაში დახმარების გაწევის სანაცლოდ, ქრთამის სახით, 20 000 აშშ დოლარი გამოართვა,”– ნათქვამია საგამოძიებო სამსახურის მიერ გავრცელებულ განცხადებაში.
საგამოძიებო სამსახურის ცნობით, პირი სოფლის მეურნეობის სამინისტროსთან ერთად გატარებული ოპერატიულ-სამძებრო და საგამოძიებო მოქმედებების შედეგად ქრთამის აღების ფაქტზე დააკავეს.
საგამოძიებო სამსახურის ცნობით, ფაქტზე მიმდინარეობს გამოძიება სისხლის სამართლის კოდექსის 338-ე მუხლის პირველი ნაწილით, რაც 6-დან 11 წლამდე თავისუფლების აღკვეთას ითვალისწინებს.
