დღეს, 12 ივნისს, თბილისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და გერის მიმართ განხორციელებულ ფიზიკურ ძალადობაში ბრალდებული კ.ც. დამნაშავედ ცნო. მოსამართლემ მას სასჯელის სახედ და ზომად 2 წლით თავისუფლების აღკვეთა განუსაზღვრა.
სასამართლოში პროკურატურის მიერ წარდგენილი მტკიცებულებებით, 2018 წლის 26 ნოემბერს მკვლელობის მცდელობისთვის ნასამართლევმა კ.ც-მ თბილისში, საკუთარ საცხოვრებელ ბინაში, გერს ფიზიკური შეურაცხყოფა მიაყენა, რასაც დაზარალებულის არასრულწლოვანი შვილი შეესწრო.
სამართალდამცველებმა კ.ც. სასამართლოს განჩინების საფუძველზე თბილისში დააკავეს.
მას ბრალდება სისხლის სამართლის კოდექსის 1261 მუხლის მე-2 ნაწილის “ბ” ქვეპუნქტით (ოჯახის ერთი წევრის მიერ ოჯახის სხვა წევრის მიმართ ძალადობა, ჩადენილი არასრულწლოვნის თანდასწრებით) წარედგინა და აღკვეთის ღონისძიების სახით პატიმრობა შეეფარდა.