არაუფლებამოსილი პირის მიერ შშმ პირების ავტოსატრანსპორტო საშუალებებისთვის განსაზღვრულ პარკირების ადგილზე ავტომანქანის პარკირება 50 ლარით დაჯარიმდება.
შესაბამის ცვლილებებს ადმინისტრაციულ სამართალდარღვევათა კოდექსში პარლამენტმა მესამე მოსმენით მხარი დაუჭირა.
კანონპროექტის თანახმად, მოქმედი 10-ლარიანი ჯარიმა იზრდება და განისაზღვრება 50 ლარით, როგორც დედაქალაქის, ასევე, თვითმმართველი ქალაქების ტერიტორიაზე და მუნიციპალიტეტების ადმინისტრაციულ საზღვრებში.
