“ხვალ, დღის მეორე ნახევარში, ჩავფრინდები კიევში, სადაც მყავს ძალიან ბევრი თანამებრძოლი, სადაც ვსწავლობდი, ვმსახურობდი არმიაში, სადაც ძალიან ბევრი მიბრძოლია, სადაც ციხეშიც ვმჯდარვარ ორჯერ”, – ეს განცხადება ექსპრეზიდენტმა მიხეილ სააკაშვილმა გააკეთა მას შემდეგ, რაც ცნობილი გახდა, რომ უკრაინის ახალმა პრეზიდენტმა ვოლოდიმირ ზელენსკიმ მას მოქალაქეობა დაუბრუნა.

“კიევში ვბრუნდები, მაგრამ, რა თქმა უნდა, ჩემი ყველა ფიქრები არის საქართველოზე და უკრაინაზე. მე დავეხმარები უკრაინის ახალ პრეზიდენტს, ძალიან საინტერესო პიროვნებას, რომელსაც დიდი ხანია ვიცნობ და დავეხმარები უკრაინელ ხალხს”, – აცხადებს სააკაშვილი რ2-თან.