მეორე ტურის ალბათობა ორ ოლქში არსებობს – ბიძინა ივანიშვილი

ორ ოლქში არსებობს მეორე ტურის ალბათობა, – განაცხადა “ქართული ოცნების” თავმჯდომარე ბიძინა ივანიშვილმა.

მან უკვე მონაწილეობა მიიღო არჩევნებში და ხმა მთაწმინდის მაჟორიტარულ საარჩევნო ოლქის მე-4 უბანზე მისცა.

ივანიშვილს არ დაუკონკრეტებია, რომელ უბანში ელოდება მეორე ტურს, თუმცა დასძინა, რომ ამ ორ ოლქში “ოცნების” კანდიდატები ლიდერობენ.

ივანიშვილი საარჩევნო უბანზე ოჯახის წევრებთან ერთად მივიდა.

არჩევნები 2019. მარიამ ბოგვერაძე/ნეტგაზეთი

19 მაისს საქართველოში შუალედური და რიგგარეშე არჩევნები იმართება.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.