“მოგეხსენებათ, რომ თავის მასშტაბით და შინაარსით, ეს არის უნიკალური საინფორმაციო წყარო, რომელიც გვაძლევს საშუალებას, რომ შევისწავლოთ მოსახლეობის სოციალურ-ეკონომიკური და დემოგრაფიული მდგომარეობა. რადენიმე წელია ეს არ ჩატარებულა. ბოლო 12 წელია ჩვენს ქვეყანაში არ ჩატარებულა აღწერა და ეს არის ძალიან მნიშვნელოვანი ჩვენი ქვეყნისთვის, მთავრობისთვის და მოსახლეობისთვის.
აღწერის შედეგად ჩვენ გვექნება უახლესი ინფორმაცია ჩვენი ქვეყნის მოსახლეობის რიცხოვნობის, ასაკობრივი სტრუქტურის, დასაქმების, განთლების, ჯანმრთელობის მდგომარეობის, მათი საარსებო წყაროების და საცხოვრისის შესახებ. აგრეთვე, რაც ჩვენთვის მნიშვნელოვანია, დაზუსტდება ქვეყანაში მუდმივად მცხოვრები ამომრჩევლების რაოდენობა, რომ ერთხელ და სამუდამოდ დამთავრდეს სპეკულაცია იმის თაობაზე, თუ რამდენი ამომრჩეველია საქართველოში. მინდა მოგიწოდოთ ყველას, რომ მაქსიმალურად ითანამშრომლოთ სტატისტიკის სამსახურთან.