სომხეთის პრემიერ-მინისტრმა, ნიკოლ ფაშინიანმა რუსულ ტელეარხ РБК-თან ექსკლუზიურ ინტერვიუში, რომლის სრული ვერსიაც ჯერ არ გასულა ეთერით, განაცხადა, რომ 2018 წლის ე.წ. ხავერდოვან რევოლუციაზე 200 ათასი აშშ დოლარი დაიხარჯა.
“ჩვენი რევოლუცია იყო რომანტიზმის გამარჯვება პრაგმატიზმზე”, – ამბობს ფაშინიანი.
ნიკოლ ფაშინიანმა სომხეთის პრემიერის პოსტი 2018 წლის 8 მაისს, ხანგრძლივი საპროტესტო აქციების შემდეგ დაიკავა.
ფაშინიანის პრემიერდ არჩევას სომხეთში წინ უძღოდა 2018 წლის გაზააფხულზე გამართული მრავალათასიანი საპროტესტო აქციები მთავრობის გადაყენების მოთხოვნით, რომელიც ე.წ. ხავერდოვანი რევოლუციის სახელით არის ცნობილი.
