ნეტგაზეთი | რუსი ბაიკერები საქართველოში არ შემოუშვეს რუსი ბაიკერები საქართველოში არ შემოუშვეს – Netgazeti

რუსი ბაიკერები საქართველოში არ შემოუშვეს

28 აპრილს რუსეთისა და დსთ-ს ქვეყნების მოქალაქე ბაიკერების კოლონა საქართველოში არ შემოუშვეს. ინფორმაცია ნეტგაზეთს შსს-ში დაუდასტურეს.

როგორც EA Daily წერს, ბაიკერები — დაახლოებით 30 — საბერძნეთში მიდიოდნენ ბაიკერების შეკრებაზე.

შსს-ში ნეტგაზეთს ქვეყანაში შემოსვლაზე უარის თქმის საფუძველად დაუსახელეს „უცხოელთა და მოქალაქეობის არმქონე პირთა სამართლებრივი მდგომარეობის შესახებ საქართველოს კანონის მე-11 მუხლის “თ” ქვეპუნქტი“.

ამ მუხლის თანახმად, უცხოელს საქართველოში შემოსვლაზე უარი შეიძლება უთხრან, თუკი იგი არ იძლევა ინფორმაციას ან იძლევა ყალბ ინფორმაციას თავისი პიროვნებისა და მგზავრობის მიზნის შესახებ.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com