შსს-ს ცნობით, მიშა შ. განზრახ მკვლელობის ბრალდებით დააკავეს. იგი წარსულში ნასამართლევია და ამჟამად პირობითი მსჯავრის ქვეშ იმყოფება.
სამართალდამცველებiს ინფორმაციით, მიშა შ. მომხდარიდან რამდენიმე საათში დარჩელი-ორსანტიის მიმდებარე ტერიტორიაზე დააკავეს. პოლიცია აცხადებს, რომ დაკავებული ჩადენილ დანაშაულს აღიარებს.
გამოძიების ცნობით, დაკავებულმა 15 ოქტომბერს, გვიან ღამით, სოფელ დარჩელში, ურთიერთშელაპარაკებისას, დანით მრავლობითი ჭრილობა მიაყენა ტაქსის მძღოლს გოდერძი შ-ს, რომელიც მიყენებული ჭრილობების შედეგად ადგილზე გარდაიცვალა.
შსს-ს ცნობით, მიშა შ. შემთხვევის ადგილიდან გარდაცვლილის კუთვნილი ავტომობილით მიიმალა, მოგვიანებით კი ავტომანქანა მეზობელ სოფელში – ახალ კახათში მიატოვა. გამოძიება განზრახ მკვლელობის ფაქტზე, სისხლის სამართლის კოდექსის 108-ე მუხლით, მიმდინარეობს.
