“აქ ბევრი ლაპარაკი არ არის საჭირო, უბრალოდ უნდა გაუქმდეს. იმიტომ, ამიტომ, ასე, ისე… ეს ლაპარაკი არასერიოზულია. ის უნდა გაუქმდეს”, – განაცხადა პარლამენტარმა.

კითხვაზე, დაიწყო თუ არა მუშაობა “ოდეერის” თანამდებობების გასაუქმებლად, თინა ხიდაშელი ინფრომაციას არ ფლობს:

“ვერაფერს ვერ გეტყვით, ჯერ ერთი, მე არ ვარ ჩართული. რამე ხდება თუ არა, არ ვიცი.”

„საერთაშორისო გამჭვირვალობა – საქართველო“ სხვადასხვა სახელმწიფო უწყებაში საქართველოს შინაგან საქმეთა სამინისტროს წარმომადგენლების, ე.წ. „ოდეერების“ (ОДР – офицер действующего резерва) შესახებ ინფორმაცია 6 ოქტომბერს გაავრცელა. არასამთავრობო ორგანიზაცია თავის განცხადებაში 3 ასეთ შემთხვევაზე წერს, რომელთაგან ერთი საქართველოს კომუნიკაციების ეროვნული კომისიაში ხდება, მეორე- სასჯელაღსრულების სისტემაში, ხოლო მესამე – პროკურატურაში.