ევროსაბჭოს წინ ზურაბ ჟვანიას ვარსკვლავი გაიხსნა

10 აპრილს სტრასბურგში, ევროპის საბჭოს სასახლის წინ, ზურაბ ჟვანიას ვარსკვლავი გაიხსნა. ვარსკვლავზე დატანილია მისი ცნობილი ფრაზა – “მე ვარ ქართველი და მაშასადამე, ვარ ევროპელი”.

ზურაბ ჟვანიამ ეს ფრაზა 20 წლის წინ, ევროპის საბჭოს საპარლამენტო ასამბლეის სხდომაზე წარმოთქვა, მას შემდეგ, რაც ასამბლეამ ერთსულოვნად დაუჭირა მხარი საქართველოს ევროსაბჭოში გაწევრებას.

ევროპის საბჭოს სასახლის წინ იმ ცნობილი პოლიტიკური მოღვაწეების ვარსკვლავებია განთავსებული, რომლებსაც ევროპის საბჭოს მუშაობაში განსაკუთრებული წვლილი აქვთ შეტანილი. როგორც პარლამენტის ვიცესპიკერი, თამარ ჩუგოშვილი წერდა, ჟვანია პირველი ქართველი პოლიტიკოსია, ვისი ვარსკვალიც გაიხსნა „ვინსტონ ჩერჩილის, შარლ დეგოლის, ბან კი მუნის, ჰელმუდ კოლის და სხვათა ვარსვლავების გვერდით“.

4

გარეკანის ფოტო: ნანა საჯაია/ამერიკის ხმა

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია 2018 წლის 1 სექტემბრიდან არის ნეტგაზეთის რეპორტიორი. ის ადრეც მუშაობდა ნეტგაზეთში — 2016 წლის მაისიდან 2017 წლის თებერვლამდე. Email: lukapertaia@gmail.com