კვიციანის “წყვილების დახმარების ცენტრში” დეპუტატმა ნავერიანმა 500 ლარი გადარიცხა

პატრიოტთა ალიანსის დეპუტატი ემზარ კვიციანი სოციალურ ქსელში აქვეყნებს ქვითარს, რომლის მიხედვითაც მისი ინიცირებით დაფუძნებულ “წყვილების დახმარების ცენტრში” ორი გადარიცხვა დაფიქსირდა.

“წყვილების დახმარების ცენტრში” პირველი თანხა, 43 ლარი, თვითონ ემზარ კვიციანმა გადარიცხა. მეორე შენატანი 500 ლარის ოდენობით საპარლამენტო უმრავლესობის წევრმა, მარნეულის მაჟორიტარმა დეპუტატმა, თამაზ ნავერიანმა გააკეთა

როგორც ემზარ კვიციანი აცხადებს, პირველი მარტიდან ყოველთვიურად მისი ხელფასის 2 პროცენტი ავტომატურ რეჟიმში გადაირიცხება ცენტრის ანგარიშზე.

პატრიოტთა ალიანსის დეპუტატი ამბობს, რომ მის მიერ ინიცირებული ცენტრის მიზანია ახალდაქორწინებული ოჯახებისა და დემოგრაფიული მდგომარეობის გაუმჯობესება.

ნეტგაზეთის მასალების სხვა გამოცემებში გადაბეჭდვის წესი
ავტორი
გიორგი დიასამიძე არის ნეტგაზეთის რეპორტიორი 2014 წლიდან. აშუქებს საზოგადოებრივ-პოლიტიკურ თემებს, სპორტს და სხვა მიმდინარე მოვლენებს. ასევე, მუშაობს განათლების, ადამიანის უფლებებისა და სოციალურ საკითხებზე.