ილია მეორის გადაწყვეტილება დეკანოზ მამალაძის ზიარებაზე

საქართველოს მართლმადიდებელი ეკლესიის საპატრიარქო მსჯავრდებული დეკანოზის ზიარების საკითხზე განცხადებას ავრცელებს.

რგორც საპატრიარქოს მიერ გავრცელებულ განცხადებაში ვკითხულობთ, ილია II-მ მიიღო გადაწყვეტილება, რომ ნესისმიერ მღვდელმსახურს, რომელსაც მიაჩნია, რომ დეკანოზი გიორგი მამალაძე უდანაშაულოა და მისი ზიარება შესაძლებელია, შეუძლია ეს პირადი პასუხისმგებლობის ფარგლებში გააკეთოს:

“ვინაიდან დეკანოზი გიორგი თვლის, რომ იგი მართალია და ითხოვს ზიარებას, ხოლო სასამართლო მას დამნაშავედ აცხადებს, სრულიად საქართველოს კათოლიკოს პატრიარქმა მიიღო შემდეგი გადაწყვეტილება: ნებისმიერ მღვდელმსახურს, რომელსაც მიაჩნია, რომ აღნიშნული პიროვნების ზიარება არის შესაძლებელი, შეუძლია ეს განახორციელოს, თუმცა ეს იქნება ამ სასულიერო პირის პირადი გადაწყვეტილება და პირადი პასუხისმგებლობა”, – წერია განცხადებაში.

განცხადებაში საპატრიარქო ინსტიტუციის მთავარ შენობასთან კარვის გაშლისა და პერმანენტული საპროტესტო აქციების დაწყების გამო დეკანოზ გიორგი მამალაძის ოჯახს ზეწოლაში ადანაშაულებს.

ვრცლად წაიკითხეთ:

საპატრიარქო დეკანოზი მამალაძის ოჯახს ზეწოლაში ადანაშაულებს

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.