რეპერი აკაკი ბაბუნაშვილი, იგივე შავი პრინცი, 48 წლის ასაკში გარდაიცვალა. ამის შესახებ მისი მეგობრები, მათ შორის რეპერი ჯერონიმო, სოციალურ ქსელში წერენ.
“შავი პრინცი” ქუთაისში დაიბადა. ქართული ჰიპ-ჰოპის ერთ-ერთმა ცნობილმა წარმომადგენელმა მუსიკალური საქმიანობა 90-იან წლებში დაიწყო, განსაკუთრებით პოპულარული კი 2000-იანების დასაწყისში გახდა.
რამდენიმე კომპოზიცია, მათ შორის, “ავიარე-ჩავიარე” და “მი ბანდიტო” განსაკუთრებით დასამახსოვრებელი აღმოჩნდა მსმენელისათვის და რეპერის პოპულარობაშიც მნიშვნელოვანი წვლილი შეიტანა.