ნეტგაზეთი | ცხინვალში რუსეთთან საბაჟო პუნქტის გაუქმება სურთ ცხინვალში რუსეთთან საბაჟო პუნქტის გაუქმება სურთ – Netgazeti
RU | GE  

ცხინვალში რუსეთთან საბაჟო პუნქტის გაუქმება სურთ

სამხრეთ ოსეთის სოციალურ-ეკონომიკური განვითარება მოითხოვს რუსეთთან საბაჟო ბარიერების მოხსნას, წერია სახალხო პარტიის 8 ივლისის მიმართვაში, რომლის ადრესატები არიან სამხრეთ ოსეთისა და რუსეთის პრეზიდენტები, ასევე, ვლადიმერ პუტინის თანაშემწე ვლადიმერ სურკოვი. წერს გამოცემა რეგნუმი.

პარტიის წევრები მიიჩნევენ, რომ საბაჟო შეზღუდვები რუსეთსა და სამხრეთ ოსეთს შორის ხელს უშლის საგარეო ინვესტიციების მოზიდვას და აფერხებს რესპუბლიკის მოსახლეობის ცხოვრების დონის ზრდას. 

 

“საბაჟო პუნქტი “ქვედა ზარამაგი” ოსეთის მოსახლეობისთვის ხალხთა ერთიანობის ხელშემშლელი ფაქტორია და მისი გაუქმება, როგორც ისტორიული სამართლიანობის აღდგენა, ოსეთის ორივე მხარის მიერ დადებითად იქნება აღქმული,”- წერია მიმართვაში. 

 

პარტიაში განაცხადეს, რომ რუსეთისა და სამხრეთ ოსეთის ინტერესები საჭიროებს ერთიანი სოციალურ-ეკონომიკურ სივრცის შექმნას, რომელის საშუალებითაც უფრო ეფექტურად განვითარდება რესპუბლიკის ეკონომიკა, დღეს არსებული საბაჟო შეზღუდვები კი, მათი განცხადებით, მნიშვნელოვნად აფერხებს ამ პროცესებს.

 

სახალხო პარტია მიიჩნევს, რომ აუცილებელია ინტეგრაციის გაღრმავება, მათ შორის ევრაზიული და საბაჟო კავშირის ფარგლებში და მიზანშეწონილად მიაჩნია საბაჟო კავშირში სამხრეთ ოსეთის ასოცირებული წევრობის საკითხის განხილვა. 


მასალა მომზადებულია პროექტ “სამხრეთ კავკასიის ამბების” ფარგლებში ჰაინრიჰ ბიოლის ფონდის მხარდაჭერით. პროექტის ფარგლებში მომზადებული ტექსტები შეიცავს იმ ტერმინოლოგიას, რომელიც აფხაზეთის, სამხრეთ ოსეთის და მთიანი ყარაბაღის თვითაღიარებულ რესპუბლიკებში გამოიყენება. მასალებში გამოთქმული მოსაზრებები შესაძლოა არ ემთხვეოდეს ჰაინრიჰ ბიოლის ფონდის და ნეტგაზეთის პოზიციას.
   
   


ნეტგაზეთის მასალების სხვა გამოცემებში გადაბეჭდვის წესი
ნეტგაზეთი , ------------------------------------------------------------ , -------------------------------------------------------------- , მასალაში გამოყენებულია თვითაღიარებულ რესპუბლიკაში დამკვიდრებული ტერმინოლოგია