აშშ-ში, ალასკას შტატის სანაპირო რაიონებში, ძლიერი მიწისძვრის შემდეგ ცუნამის განგაში გამოცხადდა. CNN-ის ცნობით, მიწისქვეშა ბიძგები, რომელთა სიმძლავრე 7 მაგნიტუდას აღწევდა, დღეს, 30 ნოემბერს, შტატის უდიდეს ქალაქ ანკორიჯთან ახლოს დაფიქსირდა.
პოლიციის ცნობით, “ბევრი სახლი და შენობა დაზიანდა. მრავალი გზა და ხიდი დაიკეტა”.
სოციალურ მედიაში გავრცელებულ ვიდეოებში ქაოტური სცენები ჩანს: ქალაქ ანკორიჯში მიწისძვრამ გზის ერთი მონაკვეთი ჩაიტანა. ასევე დაზიანდა ამავე ქალაქში მდებარე ტელევიზიის, KTUU-ს შენობა, რომლის მაუწყებლობაც მიწისძვრის შემდგომ შეწყდა.
როგორც კიდევ ერთი ტელეარხის, KTVA-ს თანამშრომლებმა CNN-ს განუცხადეს, მათი ოფისი იმდენად დაზიანებულია, რომ სტუდიაში შესვლას ვერ ახერხებენ.
“ჭერი ჩამოინგრა. სტუდიაში შესვლაც არ შეგვიძლია”, – აცხადებდნენ ისინი.
აშშ-ის გეოლოგიური სააგენტოს ინფორმაციით, მიწისძვრას მინიმუმ 4 განმეორებითი ბიძგი მოჰყვა. აქედან ყველაზე ძლიერი, 5.8 მაგნიტუდის სიმძლავრის ბიძგი კვლავ ქალაქ ანკორიჯში დაფიქსირდა.
ალასკას პოლიცია იმ ტერიტორიების მოსახლეობას მიმართავს, სადაც ცუნამის განგაშია გამოცხადებული, შემაღლებულ ადგილებზე განლაგდნენ.
Hope everyone is OK. This my wife, son & dogs inside during the #earthquake in Palmer, AK. I felt it in Fairbanks. Just broken stuff at our house. #Wyze pic.twitter.com/LMP7U5FJxR
— Eric Nelius (@AlaskaTugboater) November 30, 2018
I just got sent home from work after a massive earthquake in Anchorage, #Alaska : pic.twitter.com/gOXsUrzdGT
— Ryan Hobbs (@RyanHobbsMMA) November 30, 2018
There was just a MONSTER earthquake in Anchorage. I was getting coffee in a store at the time. Here’s the shelves. pic.twitter.com/SqERuX7FRH
— David Harper (@slicedfriedgold) November 30, 2018
Ceiling is falling down pic.twitter.com/ZPY6fhEPrp
— Chase (@Chase_AK) November 30, 2018
