მიხეილ სააკაშვილი ფეისბუკის ოფიციალური გვერდით ახალ მიმართვას ავრცელებს და გაერთიანებული ოპოზიციის მხარდამჭერებს მიმართავს, რომ ახლა არ არის ბევრი ლაპარაკის დრო და დგება გადამწყვეტი ბრძოლის პერიოდი.
“მინდა ვუთხრა ხალხს, ახლა არ არის გლოვის და თავზე ნაცრის დაყრის დრო. ახლა არის ორგანიზების და ბრძოლის გაგრძელების და უფრო ინტენსიურ ფაზაში გადაყვანის დრო. ჩვენ ვკარგავთ ჩვენს სამშობლოს. ასე რომ, დარწმუნებული ვარ, ახლა არამხოლოდ ხელების ჩამოშვების დრო არაა, დგება გადამწყვეტი პერიოდი: 18:00 საათზე ფილარმონიაში გაერთიანებული ოპოზიცია იმსჯელებს და მეც შემოგიერთდებით ჯერჯერობით Skype-თ. ყველამ ერთად მოვიფიქროთ და ზუსტად გავწეროთ, სად მივდივართ შემდეგ ეტაპზე,” – მიმართავს მხარდამჭერებს საქართველოს მესამე პრეზიდენტი.
დღეს, თბილისის დროით 18:00 საათზე, გაერთიანებული ოპოზიციის წევრები და მხარდამჭერები თბილისის საკონცერტო დარბაზში იკრიბებიან. გრიგოლ ვაშაძე და სხვა ლიდერები საკუთარ გეგმას მხარდამჭერებს სწორედ ფილარმონიაში გააცნობენ.
წინასწარი მონაცემებით, გაერთიანებული ოპოზიციის კანდიდატმა გრიგოლ ვაშაძემ ხმათა 40.48% მიიღო, რაც რაოდენობრივად 780 633 ხმაა. ამომრჩეველთა 59.52%-მა (1 147 627) ხმა მისცა მმართველი გუნდის მიერ მხარდაჭერილ კანდიდატ სალომე ზურაბიშვილს.
ვაშაძე და სხვა ლიდერები საკუთარ გეგმას მხარდამჭერებს ფილარმონიაში გააცნობენ
ევროკავშირი აღფრთოვანებულია ქართველების გაბედულობით და მათ გვერდით დგას – ვიოლა ფონ კრამონი
დავით იაკობიძე: ამიტომ უნდა უხდიდეს მადლობას მთავრობა დონორებს გრანტის ფორმით შემოსულ რესურსებზე
“უკან გადადგმული ნაბიჯია” – ხავიერ კოლომინა რუსულ კანონზე
სრული სოლიდარობა საქართველოს მოქალაქეებს – ბუნდესტაგის საგარეო საქმეთა კომიტეტის თავმჯდომარე
![„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“](https://netgazeti.ge/wp-content/uploads/2023/05/charles.jpg "„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“")