ნეტგაზეთი | ახალი დანიშვნები აფხაზეთის ხელისუფლებაში ახალი დანიშვნები აფხაზეთის ხელისუფლებაში – Netgazeti

ახალი დანიშვნები აფხაზეთის ხელისუფლებაში

დღეს, 6 ივნისს გენერალური პროკურორის მოვალეობის შემსრულებლის პოსტზე გენერალური პროკურორის მოადგილე, სამხედრო პროკურორი ზურაბ აგუმავა დაინიშნა. შესაბამის ბრძანებას ხელი აფხაზეთის პრეზიდენტის მოავლეობის შემსრულებელმა, ვალერი ბგანბამ მოაწერა.

ინფორმაციას აპსნიპრესი ავრცელებს.
 
 
გარდა ამისა, ვალერი ბგანბას ბრძანებით, აფხაზეთის უშიშროების სამსახურის თავმჯდომარის პირველი მოადგილის პოსტზე დაინიშნა ზურაბ მარგანია, რომელსაც გენერალ-მაიორის მორიგი წოდება მიენიჭა.
 
შეგახსენებთ, 27 მაისს დაწყებული აქციების შემდეგ, ოპოზიციის ზეწოლის გამო 1 ივნისს თანამდებობიდან აფხაზეთის პრეზიდენტი ალექსანდრ ანქვაბი გადადგა.  თანამდებობა დატოვა პრემიერმინისტრმაც.
 
 
თანამდებობები დატოვეს გალისა და ტყვარჩელის რაიონების ადმინისტრაციის უფროსებმაც.
 
 
მასალა მომზადებულია პროექტ “სამხრეთ კავკასიის ამბების” ფარგლებში ჰაინრიჰ ბიოლის ფონდის მხარდაჭერით. პროექტის ფარგლებში მომზადებული ტექსტები შეიცავს იმ ტერმინოლოგიას, რომელიც აფხაზეთის, სამხრეთ ოსეთის და მთიანი ყარაბაღის თვითაღიარებულ რესპუბლიკებში გამოიყენება. მასალებში გამოთქმული მოსაზრებები შესაძლოა არ ემთხვეოდეს ჰაინრიჰ ბიოლის ფონდის და ნეტგაზეთის პოზიციას.
   
ნეტგაზეთის მასალების სხვა გამოცემებში გადაბეჭდვის წესი
ნეტგაზეთი , ------------------------------------------------------------ , -------------------------------------------------------------- , მასალაში გამოყენებულია თვითაღიარებულ რესპუბლიკაში დამკვიდრებული ტერმინოლოგია