შემთხვევა დღეს, 17 მაისს, საღამოს საათებში თბილისში, რუსთაველის გამზირზე მდებარე სუპერმარკეტ “სმარტთან” მოხდა, სადაც სექსუალური უმცირესობის წარმომადგენელ მოზარდს ასევე არასრულწლოვანი დაუპირისპირდა და სიტყვიერი შეურაცხყოფა მიაყენა.

შემთხვევის ადგილზე მივიდნენ არასამთავრობო ორგანიზაცია EMC-ის წარმომადგენლები, რომლებსაც ტელეფონით აცნობეს, რომ არასრულწლოვანი თავს აფარებდა სუპერმარკეტ “სმარტს”, ვერ გადიოდა გარეთ, სადაც სხვა მოზრდები ელოდნენ, რომლებმაც მას სიტყვიერი შეურაცხყოფა მიაყენეს.

EMC-ის წარმომადგენლები დაუკავშირდნენ პოლიციას და სამართალდამცავები შემთხვევის ადგილზე მივიდნენ, თუმცა, არასამთავრობო ორგანიზაციის წარმომადგენლების თქმით, თავდაპირველად პოლიციელები არაეთიკურად იქცეოდნენ: 

შეგახსენებთ, რომ 17 მაისი ჰომოფობიასთან ბრძოლის საერთაშორისო დღეა, თუმცა საქართველოში წელს ეს თარიღი ლგბტ თემის წარმომადგენლებსა და უფლებადამცველებს არ აღუნიშნავთ, რადგან ისინი მიიჩნევენ, რომ გასულ წლებში სამართალდამცავებმა და სახელმწიფომ ვერ უზრუნველყვეს მათი უსაფრთხოების დაცვა. გასული წლის 17 მაისს მათ მშვიდობიანი აქციის გამართვის საშუალება არ მისცეს სასულიერო პირებმა და მრევლმა, ადგილი ჰქონდა ფიზიკურ ძალადობას, თუმცა აღნიშნული ფაქტების გამო დღემდე არავინ დასჯილა.