“ჩვენ თუ გადავხედავთ, თუ რა მეთოდებით იბრძვიან ჩვენი ოპონენტები, სამწუხარო რეალობაა ის, რომ “რუსთავი 2”-ის ხელმძღვანელობა ჩართული არის “ნავიონალური მოძრაობის” კამპანიაში. მე მოვისმინე, რომ თურმე მათ აქვთ კიდევ კადრები. სწორედ მე ვიყავი ერთ-ერთი მთავარი ინიციატორი, რომელმაც გაანადგურა ასობით და ათასობით ვიდეოფაილი, რომელიც ჩვენ აღმოვაჩინეთ მას შემდეგ, რაც ჩვენ მოვედით ხელისუფლებაში. მე ვიყავი პიროვნება, რომელმაც დაასრულა ჩვენს ქვეყანაში უკანონო მოსმენები. “რუსთავი 2”-ის ხემძღვანელობას შეუვიძლია დაგვაბრალოს ყველაფერი, ეს ერთი-ერთში ატარებს “ნაციონალური მოძრაობის” პოლიტიკას. 

ჩვენ დღეს მოვისმინეთ პირდაპირი ბრალდებები “რუსთავი 2”-ის ხელძღვანელობის მხრიდან., რომ ამ “სკანდალის” უკან დგას დღევანდელი ხელისუფლება. მე მინდა შევახსენო ამ ადამიანებს, რომ ის ადამაინები, რომლებიც ამტკიცებენ ამ “სიმართლეს”, ასეთივე პროფესიონალიზმით ამტკიცებდნენ იმ სიცრუეს, რომელსაც უკეთებდნენ ტირაჟირებას ბოლო 9 წლის განმავლობაში. ეს არის ძალიან კარგად მოფიქრებული პროვოკაცია დაგეგმილი ჩვენი ხელისუფლების წინააღმდეგ”,- განაცხადა ირაკლი ღარიბაშვილმა. 

ღარიბაშვილმა დაამატა, რომ გამოძიებას უნდა მიეცეს საშუალება, დაასრულოს მუშაობა და გაირკვეს სიმართლე. იგი დარწმუნებულია იმაში, რომ “რუსთავი 2”-ის ოფისში ფარული ვიდეოკამერების აღმოჩენასთან საქართველოს ხელისუფლებას კავშირი არ აქვს.