ფეისბუკმა გამოაქვეყნა 10-ნაბიჯიანი გზამკვლევი ყალბი ამბების წინააღმდეგ, რაც ქართულ ენაზეცაა ხელმისაწვდომი. სოციალურ ქსელს უკვე დიდი ხანია, ყალბ ამბებთან ბრძოლაში უმოქმედობისთვის აკრიტიკებენ. ფეისბუკის დამაარსებელ მარკ ზაკერბერგს, როდესაც აშშ-ის კონგრესის წინაშეც წარდგა, ამ საკითხზეც მოუწია განმარტებების გაკეთება;
ფეისბუკს ხშირად აკრიტიკებენ და ამბობენ, რომ საკმარისად სწრაფად ვერ უმკლავდება დეზინფორმაციასთან დაკავშირებულ პრობლემებს; გამოცემა New York Times-ის ჟურნალისტური გამოძიების თანახმად, მიანმარის ხელისუფლებამ მუსლიმი ეთნიკური უმცირესობის, როჰინჯების წინააღმდეგ გენოციდი განახორციელა ფეისბუკზე დეზინფორმაციის სისტემური კამპანიის მეშვეობით. ამ ინფორმაციის გავრცელების შემდეგ ფეისბუკმა გააუქმა მილიონიანი გამომწერი გვერდები;
ფეისბუკი ახლა ცდილობს, აუდიტორია უკეთ ჰყავდეს ინფორმირებული ყალბი სიახლეების შესახებ.
ნახეთ სქრინშოტები ყალბი ამბების წინააღმდეგ შემუშავებული გზამკვლევიდან “ნეტგაზეთზე”:
