სარგსიანი: დროა, დე იურე გამყარდეს არწახის მოსახლეობის უფლება თვითგამორკვევაზე

სომხეთის პრეზიდენტის, სერჟ სარგსიანის განცხადებით, დროა, დე იურე გამყარდეს არწახის მოსახლეობის ფაქტობრივად რეალიზებული უფლება თვითგამორკვევაზე.

“უდავო ფაქტია, რომ მთიან ყარაბაღს აქვს სახელმწიფო სისტემა, რომელიც დაფუძნებულია ევროპულ ღირებულებებზე და, შესაბამისად, დემოკრატიულ პრინციპებზე. დროა, დე იურე გამყარდეს არწახის მოსახლეობის ფაქტობრივად რეალიზებული უფლება თვითგამორკვევაზე” – ეს განცხადება სომხეთის პრეზიდენტმა სერჟ სარგსიანმა “აღმოსავლეთ პარტნიორობის” პროგრამის 5 წლისთავთან დაკავშირებულ შეხვედრაზე გააკეთა.  

 

მისივე თქმით, დიდი მნიშვნელობა აქვს კონფლიქტის მშვიდობიან დარეგულირებას მსოფლიოსთვის და ევროპის კონტინენტის კეთილდღეობისთვის. 

 

“მთიანი ყარაბაღის პრობლემის დარეგულირებას განსაკუთრებული მნიშვნელობა აქვს სომხეთისთვის,”- განაცხადა სარგსიანმა. 


მთიანი ყარაბაღის კონფლიქტი 1988 წელს დაიწყო, როდესაც ყარაბაღის ავტონომიური ოლქი აზერბაიჯანის შემადგენლობიდან გამოვიდა. 


მთიანი ყარაბაღი; ფოტო: i-news.kz
მთიანი ყარაბაღი; ფოტო: i-news.kz

ნეტგაზეთის მასალების სხვა გამოცემებში გადაბეჭდვის წესი
ნეტგაზეთი , მასალაში გამოყენებულია თვითაღიარებულ რესპუბლიკებში დამკვიდრებული ტერმინილოგია, ------------------------------------------------------------ , --------------------------------------------------------------