პარლამენტმა აჭარის ავტონომიური რესპუბლიკის უმაღლესი საბჭოს მიერ წარმოდგენილი გიორგი კოხრეიძის კანდიდატურა 119 ხმით 0-ის წინააღმდეგ დაამტკიცა.
პარლამენტმა ასევე დაამტკიცა საპარლამენტო უმრავლესობის მიერ წარმოდგენილი ორი კანდიდატი: გრიგოლ გოგელია – 86 ხმით 1-ის წინააღმდეგ, ხოლო ალექსანდრე ვახტანგოვი – 85 ხმით 1-ის წინააღმდეგ.
რაც შეეხება საპარლამენტო უმცირესობის მიერ წარმოდგენილი დავით კიზირიას კანდიდატურას, პარლამენტმა ის 40 ხმით 9-ის წინააღმდეგ ჩააგდო, პარლამენტმა ასევე 38 ხმით 7-ის წინააღმდეგ ჩააგდო უმცირესობის მეორე კანდიდატი ნინია კაკაბაძე.
შეგახსენებთ, რომ ახალი კანონმდებლობით უკვე არჩეულია საზოგადოებრივი მაუწყებლის ბორდის 7 ახალი წევრი. ამასთან, საქართველოს საკონსტიტუციო სასამართლომ დააკმაყოფილა “საზოგადოებრივი მაუწყებლის” ჯერ კიდევ მოქმედი ბორდის წევრების სარჩელი პარლამენტის წინააღმდეგ, რომელიც ითვალისწინებს “მაუწყებლობის შესახებ“ საქართველოს კანონში განხორციელებული ცვლილების გაუქმებას.
