დღეს, 4 ოქტომბერს, საქართველოს კათოლიკოს-პატრიარქმა მღვდელმთავრებთან ერთად თურქეთის რესპუბლიკის საგანგებო და სრულუფლებიანი ელჩი, ფატმა სერენ იაზგანი მიიღო.
შეხვედრაზე საუბარი შეეხო თურქეთსა და საქართველოს შორის არსებულ ურთიერთობებს და განიხილეს მისი გაღრმავების გზები.
“გამოთქმული სურვილების შესახებ აუცილებლად გვექნება საუბარი შესაბამის პირებთან და ყველაფერს გავაკეთებთ თურქეთ-საქართველოს შორის მეგობრობის შენარჩუნება-განმტკიცებისთვის,” – განაცხადა ფატმა სერენ იაზგანმა.