ნეტგაზეთი | ევროკავშირთან შეთანხმების ნაწილი შესაძლოა მის ძალაში შესვლამდე ამოქმედდეს ევროკავშირთან შეთანხმების ნაწილი შესაძლოა მის ძალაში შესვლამდე ამოქმედდეს – Netgazeti

ევროკავშირთან შეთანხმების ნაწილი შესაძლოა მის ძალაში შესვლამდე ამოქმედდეს

ევროკომისიამ ევროკავშირის საბჭოს წინადადებით მიმართა მიიღოს გადაწყვეტილება საქართველოსთან ასოცირების შესახებ შეთანხმების ხელმოწერისა და შეთანხმების სრულად ძალაში შესვლამდე მისი დროებითი ამოქმედების თაობაზე. ამის შესახებ ინფორმაცია ევროკავშირის კანონმდებლობის ოფიციალურ ვებ გვერდზე გამოქვეყნდა.

საქართველოს საგარეო უწყების ცნობით, საქართველოსა და ევროკავშირის ერთობლივ მიზანს წარმოადგენს „ასოცირების შესახებ შეთანხმების“ ხელმოწერა არაუგვიანეს 2014 წლის აგვისტოში.  ევროკავშირის მხრიდან შეთანხმების ხელმოწერისთვის აუცილებელია ევროკავშირის საბჭოს გადაწყვეტილება ხელმოწერისა და შეთანხმების დროებითი ამოქმედების თაობაზე. ევროკომისიის წინადადების მიხედვით, შეთანხმების სრულად ძალაში შესვლამდე ამოქმედდება შეთანხმების უდიდესი ნაწილი.  დროებითი გამოყენება შეეხება ღრმა და ყოვლისმომცველი თავისუფალი ვაჭრობის სივრცის მუხლებს, ასევე, დარგობრივი თანამშრომლობის თავების უმრავლესობას და შეთანხმების რამდენიმე სხვა მუხლს.

ნეტგაზეთის მასალების სხვა გამოცემებში გადაბეჭდვის წესი
ანი ბერუკაშვილი