საქართველოს ნაკრების ფეხბურთელი გიორგი მერებაშვილი მხარდაჭერას უცხადებს გურამ კაშიას, რომელმაც ჰომოფობიური და შეურაცხმყოფელი კომენტარების გამო ფეისბუქი გააუქმა.
‘პატივისცემა კაშოს მიმართ. ჩვენ შენთან ვართ მუდამ”, – წერს მერებაშვილი.
#გურამშენთანვართ – ამ ჰეშთეგით სოციალურ ქსელებში გურამ კაშიას მხარდამჭერი კამპანია დაიწყო მას შემდეგ, რაც საქართველოს ეროვნული ნაკრების ლიდერმა ფეისბუკის ოფიციალური გვერდი შეურაცხმყოფელი შეტყობინებების/კომენტარების გამო სავარაუდოდ გააუქმა, ხოლო ინსტაგრამის საჯარო ანგარიში მხოლოდ გამომწერებისთვის გახადა ხელმისაწვდომი.
#გურამშენთანვართ – სოციალურ ქსელებში გურამ კაშიას მხარდამჭერი კამპანია დაიწყო
სოციალურ ქსელებში კაშიას წინააღმდეგ ახალი ტალღა მას შემდეგ აგორდა, რაც ცნობილი გახდა, რომ საქართველოს ნაკრების მცველი უეფას თანასწორობის ჯილდოს მფლობელი გახდა.
