აღსანიშნავია, რომ თიბისი ბანკს რეაბილიტაციის მმართველის პოზიციაზე საკუთარი კანდიდატი არ წამოუყენებია. იგი დაეთანხმა დანარჩენი კრედიტორების მიერ დასახელებულ კანდიდატს, ზურაბ ვანიშვილს.
შაბათს გამართულ სხდომაზე ვანიშვილის კანდიდატურას მხარი დაუჭირეს ”გუდვილის” მსხვილმა კრედიტორებმა – კოკა-კოლამ, პეპსიმ, კომპანიამ “ბაგრატიონი” და სხვა.
თუმცა სასამართლომ ზურაბ ვანიშვილის კანდიდატურა კენჭისყრიდან მოხსნა, ვინაიდან ვანიშვილი ადრე წარმოადგენდა ერთ-ერთ კრედიტორს (კომპანია “იბერიარეფრეშმენტს”), რამაც, სასამართლოს აზრით, შესაძლოა ხელი შეუშალოს მას მიუკერძოებელი და ნეიტრალური რეაბილიტაციის მმართველის ფუნქციების შესრულებაში.
რაც შეეხება მეორე წარმოდგენილ კანდიდატურას, კომპანია PKF-ს, მას მხარი არ დაუჭირეს კრედიტორებმა, ვინაიდან ეს კანდიდატურა რეალურად წარდგენილ იქნა თავად კომპანია “გუდვილის” მიერ და მისი უფლებამოსილებები იმგვარად იყო განსაზღვრული, რომ შენარჩუნებულიყო “გუდვილის” დამფუძნებლის, გიორგი შევარდნაძის სრული გავლენა კომპანიის მიმდინარე საქმიანობაზე, რაც ეწინააღმდეგება კრედიტორების კანონიერ ინტერესებს.
შესაბამისად, შაბათის სხდომაზე ვერ მოხდა რეაბილიტაციის მმართველის თაობაზე გადაწყვეტილების მიღება. შემდეგი სხდომა სამშაბათს გაიმართება, სადაც სასამართლო რეაბილიტაციის მმართველის ახალ კანდიდატურებს განიხილავს.
თიბისი ბანკი მხარს დაუჭერს ისეთ კანდიდატურას, რომელიც უზრუნველყოფს კომპანიის საქმიანობაზე სათანადო კონტროლის განხორცილებას და გამორიცხავს“გუდვილის” დამფუძნებლის თვითნებობას.
![„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“](https://netgazeti.ge/wp-content/uploads/2023/05/charles.jpg "„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“")