ბავშვის მამა, რომელიც პარიზში არალეგალურად მყოფმა მიგრანტმა აივნიდან გადმოვარდნას გადაარჩინა, ინციდენტის დროს სმარტფონით Pokemon Go-ს თამაშობდა. ინფორმაციას ამის შესახებ CNN ავრცელებს.
ამერიკული მედიასაშუალება ამბობს, რომ ბავშვი მამას ჰყავდა მიბარებული, რომელმაც 4 წლის შვილი მარტო დატოვა, მაღაზიაში წავიდა, შინისკენ გზად კი Pokemon Go-ს თამაშობდა. გამოცემა წერს, რომ ბავშვის მამას ორწლიანი პატიმრობა ემუქრება მშობლისთვის დაკისრებული პასუხისმგებლობის შეუსრულებლობისთვის.
Prendre son courage à deux mains et faire preuve d’héroïsme. Bravo Mamadou Gassama ?? pic.twitter.com/HSc45ZLoxy
— н α к α n (@hakokan) May 27, 2018
სოციალურ ქსელებსა და მედიაში თვითმხილველების მიერ გადაღებული ვიდეოში ჩანს, როგორ მიცოცავს შიშველი ხელებით მამადუ გასამა სართულიდან სართულზე, რომ 4 წლის პატარას მისწვდეს. ვიდეო შაბათს, საღამოს რვა საათზეა გადაღებული პარიზის მეთვრამეტე უბნის ერთ-ერთ ქუჩაზე.
მამადუ გასამას კი, რომელმაც მეოთხე სართულის აივნიდან ჰაერში დაკიდებული ბავშვი გადაარჩინა, საფრანგეთის მოქალაქეობა მიანიჭეს. ინფორმაციას ამის შესახებ BBC ავრცელებს.
ელისეის სასახლეში გასამა საფრანგეთის პრეზიდენტს, ემანუელ მაკრონს შეხვდა. ქვეყნის პრეზიდენტმა პირადად გადაუხადა მადლობა, სიმამაცისთვის მედალი გადასცა და მეხანძრედ დასაქმებას დაჰპირდა.