ენმ-ის ოფისის ფანჯარა ჩატეხეს, გამოძიება დაიწყო

“ერთიანი ნაციონალური მოძრაობის” საბურთალოს ოფისის ფანჯარა დღეს იქ მისულ თანამშრომლებს ჩამსხვრეული დახვდათ. როგორც ნეტგაზეთს შსს-მ უთხრა, გამოძიება 187-ე მუხლით (ნივთის დაზიანება ან განადგურება) დაიწყო.

ნეტგაზეთთან საუბარში პარტიის საბურთალოს რაიონული ორგანიზაციის თავმჯდომარემ დავით ლაგვილავამ აღნიშნა, რომ მომხდარს “ქართული ოცნების” აქტივისტებს უკავშირებს. მისი თქმით, ამ დროისთვის ადგილზე სამართალდამცველები იმყოფებიან.

მისივე განმარტებით, ცოტა ხნით ადრე აქტივისტებმა ოფისის კედლებზე ციფრი “41” დაწერეს, რასაც დღეს მომხდარ ფაქტს უკავშირებს.

ნეტგაზეთი დაუკავშირდა პარტია “ქართულ ოცნების” პრესსამსახურსაც, მათ კომენტარს მიღებისთანავე შემოგთავაზებთ

ნაციონალური მოძრაობის ფანჯარა. ფოტო: ფარნაოზ ჭკადუა

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან