ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

რუსეთის მთავრობამ რუსეთისა და სამხრეთ ოსეთის დე ფაქტო რესპუბლიკის ერთობლივი შეთანხმება მოიწონა. ინფორმაციას სამხრეთ ოსეთის დე ფაქტო რესპუბლიკის საინფორმაციო სააგენტო რეს-ი ავრცელებს.

შეთანხმების შესაბამისად, რუსული კომპანია “გაზპრომი” სამხრეთ ოსეთის დე ფაქტო რესპუბლიკის ტერიტორიაზე არსებული ბუნებრივი აირის ინფრასტრუქტურის მოდერნიზაციასა და რეკონსტრუქციაში 2 მილიარდი რუბლის ინვესტიციის ვალდებულებას იღებს, სანაცვლოდ კი,  ერთობლივი კომპანია “გაზპრომ სამხრეთ ოსეთის” სრული მესაკუთრე ხდება.

აქამდე აღნიშნული კომპანიის [“გაზპრომ სამხრეთ ოსეთი”] 25% ოსურ მხარეს ეკუთვნოდა.

ოსური მხარის წილის გაყიდვა კი იმას ნიშნავს, რომ სამხრეთ ოსეთის ტერიტორიაზე არსებული შესაბამისი ინფრასტრუქტურა, მათზე უფლებები და ინტერესები მთლიანად რუსული მხარის საკუთრებაში გადადის.

შეთანხმების ღირებულება არ გასაჯაროებულა.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.