საგანგებო სიტუაციების სააგენტო: ბათუმში ცეცხლი ლოკალიზებულია

ბათუმში, ე.წ. მანთაშევის სარკინიგზო გადასასვლელთან გაჩენილი ხანძარი ლოკალიზებულია. ამის შესახებ  “ნეტგაზეთს” საგანგებო სიტუაციების მართვის სააგენტოში განუცხადეს. სამსახურის ცნობით, ხანძრის შედეგად არავინ დაშავებულა.

ბათუმში, ე.წ. მანთაშევის სარკინიგზო გადასასვლელთან [შავშეთისა და გოგებაშვილის ქუჩების კვეთაში] ძლიერი ხანძარი დაახლოებით 18:30-ზე გაჩნდა. ცეცხლი მიმდებარე სახლებზეც გავრცელდა. ადგილზე ბათუმის სახანძრო სამსახურის სრული შემადგენლობა იყო მობილიზებული.

ცეცხლის სალიკვიდაციო სამუშაოები ადგილზე ამ დრომდე გრძელდება.

ნეტგაზეთის მასალების სხვა გამოცემებში გადაბეჭდვის წესი
ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან