ყინულის ჰოკეის მსოფლიო ჩემპიონატზე, რომელიც სამხრეთ აფრიკაში იმართება, საქართველოს ნაკრებმა ბულგარეთის ნაკრები ანგარიშით 5:3 დაამარცხა.
ეს არის მეორე გამარჯვება, რომელიც ყინულის ჰოკეის საქართველოს ნაკრებმა მსოფლიო ჩემპიონატზე მოიპოვა. პირველი გამარჯვება საქართველოს ნაკრებმა თურქეთთან გუშინ, 16 აპრილს, ანგარიშით 6:2 მოიპოვა.
საქართველოს ნაკრები 19 აპრილს დაუპირისპირდება ჰონგ-კონგს, 20 აპრილს – სამხრეთ აფრიკას, 22 აპრილს კი – ტაივანს. ამით ჯგუფური ეტაპის თამაშები დასრულდება.
- საქართველოს ყინულის ჰოკეის ეროვნული ნაკრები 20 სპორტსმენს აერთიანებს. გუნდი ჰოკეის მსოფლიო ჩემპიონატის მესამე დივიზიონში 2012 წლიდან ასპარეზობს – ნახეთ ვიდეო, თუ სად და როგორ პირობებში ვარჯიშობენ ჰოკეისტები საქართველოში.