საქართველოს მთავარი პროკურატურის ცნობით, სამართალდამცავებმა 11 აპრილს, სასამართლო განჩინების საფუძველზე, ახალციხეში ორი პოლიციელი დაკავეს. ერთს ბრალადად ედება ძმის ცოლისა და მცირეწლოვანი ძმისშვილის ცემა, მეორეს კი – ცოლის ცემა. დაკავებული პოლიციელები ძმები არიან. მათ უკვე შეეფართად წინასწარი პატიმრობა.

პროკურატურის ცნობით, 2018 წლის 9 აპრილს, საღამოს საათებში, ბორჯომის მუნიციპალიტეტის სოფელ დვირის მიმდებარე ტერიტორიაზე გ.ბ-მ სიტყვიერი შელაპარაკების საფუძველზე ძმის მეუღლესა და მის არასრულწლოვან შვილს სიტყვიერი და ფიზიკური შეურაცხყოფა მიაყენა, რითაც დაზარალებულებმა ძლიერი ფიზიკური ტკივილი განიცადეს. ხოლო აღნიშნულის შემდგომ მისმა ძმამ ი.ბ-მ არასრულწლოვანი შვილების თანდასწრებით მეუღლეს ფიზიკური შეურაცხყოფა მიაყენა, რამაც ქალის ძლიერი ფიზიკური ტკივილი გამოიწვია.

ი.ბ-ს ბრალდება საქართველოს სისხლის სამართლის კოდექსის 126¹-ე მუხლის მე-2 ნაწილის „ბ“ ქვეპუნქტით (ოჯახის ერთი წევრის მიერ ოჯახის სხვა წევრის მიმართ ძალადობა, რამაც გამოიწვია ფიზიკური ტკივილი, ჩადენილი არასრულწლოვნის თანდასწრებით), ხოლო გ.ბ-ს 126-ე მუხლის 1¹ ნაწილის ,,ა“ და ,,გ“ ქვეპუნქტებით (ცემა და სხვაგვარი ძალადობა, რამაც დაზარალებულის ფიზიკური ტკივილი გამოიწვია, ჩადენილი წინასწარი შეცნობით არასრულწლოვანისა და ორი პირის მიმართ) წარედგინათ.

ბრალდებულებისთვის წარდგენილი ბრალდება სასჯელის სახედ და ზომად 3 წლამდე  თავისუფლების აღკვეთას ითვალისწინებს.