დღეს, 13 აპრილს ,ვაკეში მომხდარი ახალგაზრდა ქალის მკვლელობაში ბრალდებული დაკავებული არ არის, თუმცა, სავარაუდოდ, დადგენილია – განაცხადა შემთხვევის ადგილზე ჟურნალისტებთან საუბრისას საპატრულო პოლიციის დეპარტამენტის დირექტორმა თეიმურაზ კუპატაძემ.
“ჯერჯერობით დაკავებული არ არის, მიმდინარეობს ძებნა… მიმდინარეობს კამერების დათვალიერება, პიროვნება დადგენილია და ამაზე მოგვიანებით გავაკეთებთ კომენტარს,”- განაცხადა მან ჟურნალისტებთან საუბრისას.
მისივე განცხადებით, გამოძიება განზრახ მკვლელობის მუხლით მიმდინარეობს.
როგორც თეიმურაზ კუპატაძემ აღნიშნა, შემთხვევას ბავშები შეესწრნენ:
“შეტყობინება შემოვიდა ბარნოვის ქუჩაზე სუიციდის ფაქტთან დაკავშირებით. ადგილზე მოსულ ეკიპაჟს დახვდა 1993 წელს დაბადებული მანდილოსანი გარდაცვლილი. მას აღენიშნებოდა ძალადობის ფაქტი. გამოძიება მიმდინარეობს 108-ე მუხლით, განზრახ მკვლელობის ფაქტთან დაკავშირებით. ადგილზე მუშაობენ ექსპერტ-კრიმინალისტები.
მიმდინარეობს გამოკითხვა თვითმხილველების, ვინც ადგილზე ესწრებოდა ფაქტს, ბავშვებთან ერთად ვინც იყო, ამაზე მოგვიანებით გავაკეთებთ კომენტარს… ბავშვები ამ დროისთვის იმყოფენოდნენ სახლში და დეტალებს ვარკვევთ,”- განაცხადა მან.
