საქართველოში პატიმრების 39 % ნარკოდანაშაულზეა მსჯავრდებული ევროპის საბჭოს გამოქვეყნებული ანგარიშის მიხედვით, რომელიც წევრი ქვეყნების ციხეების 2016 წლის 1 სექტემბრის მდგომარეობას ასახავს.

ამ მონაცემით, საქართველოს ევროპის საბჭოს წევრ ქვეყნებში ერთ-ერთი ყველაზე მაღალი მონაცემი აქვს და მეორე ადგილაზეა მალტის შემდეგ.

ევროსაბჭოს წინა წლის ანგარიშის მიხედვით, 2015 წელის საქართველოში ნარკოდანაშაულზე მსჯავრდებულების რაოდენობა 30.8 % იყო [(2 721 მსჯავრდებული ), რაც იმას ნიშნავს, რომ ამ დანაშაულზე მსჯავრდებულების რაოდენობა ერთ წელში 8.2%-ით გაიზარდა.

ტოპ 5 ქვეყანა ნარკოდანაშაულზე მსჯავრდებულების ყველაზე მაღალი მაჩვენებლით  2016 წელს.

წყარო: ევროპის საბჭოს ანგარიში

ევროპის საბჭოს კვლევა, რომელიც ახლახანს გამოქვეყნდა, 47 წევრი ქვეყნის 52 სასჯელაღსრულების დაწესებულებიდან 47-ის მონაცემს ასახავს 2016 წლის 1 სექტემბრის მდგომარეობით.

ევროპის საბჭოს ანგარიშის მიხედვით, საქართველოში 2015 წელთან შედარებით პატიმრების რაოდენობა შემცირდა, თუმცა საქართველო იმ ქვეყნების სიის სათავეშია, რომლებშიც ყოველ 100 ათას მოსახლეზე 100-ზე მეტი პატიმარი ჰყავს.

ყოველ 100 ათას მოსახლეზე საქართველოს 256.3 პატიმარი ჰყავს და ამ მაჩვენებლით პირველ ადგილზეა. სიაში საქართველოს მოსდევს თურქეთი, ლიტვა და აზერბაიჯანი.

მსჯავრდებულების რაოდენობა საქართველოში წლების მიხედვით

საქართველოს პატიმრების სტატისტიკა 2005-2016 წლებში. წყარო: ევროპის საბჭოს კვლევა

მთავარი ფოტო:  აქცია ჰუმანური ნარკოპოლიტიკის მოთხოვნით თბილისში. მოქალაქეებმა კანცელარიასთან შარდი მიიტანეს. ფოტო: გივი ავალიანი / ნეტგაზეთი