ბოლნისის რაიონის სოფელ კაზრეთში შსს-ს თანამშრომლებმა 55 წლის კაცი მკვლელობის ბრალდებით დააკავეს. უწყების ცნობით, დაკავებულმა 54 წლის ნათესავს ავტომატური ცეცხლსასროლი იარაღიდან გასროლით სასიკვდილო ჭრილობა მიაყენა და მიიმალა. კაცი ადგილზე გარდაიცვალა.
შსს-ს ინფორმაციით, მკვლელობა ვალის გადაუხდელობის მოტივით მოხდა – მოკლულს ბრალდებულისთვის 7 000 აშშ დოლარი ემართა, რომლის გადახდასაც ვერ ახერხებდა.
ბრალდებული პოლიციამ ცხელ კვალზე დააკავა. გამოძიება მას განზრახ მკვლელობასა და ცეცხლსასროლი იარაღის მართლსაწინააღმდეგო შეძენა-შენახვა-ტარებას ედავება, რაც 4-დან 15 წლამდე თავისუფლების აღკვეთას ითვალისწინებს.
