თბილისის საქალაქო სასამართლოსთან, ბაჩო ახალაიას სასამართლო პროცესის დროს, ე.წ. ყოფილი პოლიტპატიმრები აქციას მართავენ. აქციის მონაწილეები წინა სასამართლოს გამამართლებელი განაჩენის გამოტანას აპროტესტებენ. აქციის ერთ-ერთი მონაწილე, ფრიდონ მერაბაშვილი, გინების გამო პატრულმა დააკავა.
დღეს თბილისის საქალაქო სასამართლოში სრულდება თავდაცვის ყოფილი მინისტრის, ბაჩანა ახალაიას საქმის არსებითი განხილვა. სასამართლოს ეზოში 10-მდე მოქალაქეა შეკრებილი პლაკატით “ახალაია შენი ადგილი სანაგვეზეა”. მათ სიტყვიერი შეურაცხყოფა მიაყენეს ახალაიას ადვოკატს. ინციდენტი მანდატურის სამსახურის თანამშრომლებმა განმუხტეს.