7 იანვრის ღამეს რუსთავში, ერთ-ერთი საცხოვრებელი კორპუსის სადარბაზოში, პოლიციამ მიტოვებული ახალშობილი იპოვა. შინაგან საქმეთა სამინისტროს ცნობით, სამართალდამცავები ადგილზე შეტყობინების საფუძველზე მივიდნენ.
ახალშობილი კლინიკა “რუსთავის” ჩვილ ბავშვთა განყოფილებაში გადაიყვანეს. მის სიცოცხლეს საფრთხე არ ემუქრება.
შსს გამოძიებას სისხლის სამართლის კოდექსის 127-ე მუხლით აწარმოებს, რაც სიცოცხლისათვის საშიშ მდგომარეობაში ჩაყენებას გულისხმობს და 2 წლამდე თავისუფლების აღკვეთას ითვალისწინებს.
![„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“](https://netgazeti.ge/wp-content/uploads/2023/05/charles.jpg "„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“")
