საქართველოს სახელმწიფო საზღვრის უკანონოდ, ჯგუფურად გადაკვეთის მცდელობის ბრალდებით შრი-ლანკის 2 და ბანგლადეშის რესპუბლიკის 2 მოქალაქე დააკავეს.
შს სამინისტროს ინფორმაციით, დაკავებულები საზღვრის გადაკვეთას თურქეთის რესპუბლიკის მიმართულებით ცდილობდნენ.
შინაგან საქმეთა სამინიტროს სასაზღვრო პოლიციის სახმელეთო საზღვრის დაცვის დეპარტამენტის თანამშრომლებმა დაკავების ოპერაცია #2 სამმართველოს (ახალციხე) #3 სასაზღვრო სექტორის (ჭარალი) დასაცავ მონაკვეთზე ჩაატარეს.
გამოძიება სახელმწიფო საზღვრის უკანონოდ, ჯგუფურად გადაკვეთის მცდელობის ფაქტზე საქართველოს სსკ-ს 19-344-ე მუხლის მე-2 ნაწილის „ა“ ქვეპუნქტით მიმდინარეობს.
ბრალის დამტკიცების შემთხვევაში დაკავებულებს 4-დან 5 წლამდე ვადით თავისუფლების აღკვეთა ემუქრებათ.