
ღარიბაშვილის თქმით, 5 წლის წინ რუსეთ-საქართველოს ომმა მძიმე დანაკლის მოიტანა, მათ შორის, შსს-ს თანამშრომლებს შორის, რომლებიც ამ ომში დაიღუპნენ.
“ჩვენ მუდამ პატივი უნდა მივაგოთ იმ გმირებს, რომელბიც ამ ომში საქართველოს ტერიტორიული მთლიანობისთვის ბრძოლას შეეწირნენ. დაღუპულთა შორის შსს-ს გმირი თანამშრომლებიც არიან. მათი სახელი მათმა თავდადებამ უკვადვყო,” – განაცხადა ღარიბაშვილმა.
მისივე თქმით, “ჩვენ მხოლოდ გააზრებული, თანმიმდევრული და ქმედითი ნაბიჯებით შევძლებთ საქრთველოს გაერთიანებული საზღვრის არეალში იმ პროგრესის დანერგვას, რომელიც ქართულ პოლიციაში ხორციელდება.”
