ჰომოფობიის გამო ეგვიპტიდან დევნილისთვის ლტოლვილის სტატუსზე უარი სასამართლომ გააბათილა

თბილისის საქალაქო სასამართლომ დააკმაყოფილა ეგვიპტის მოქალაქის სარჩელი, რომელიც საქართველოში თავშესაფარს ითხოვდა, რადგან სამშობლოდან ჰომოფობიის გამოა დევნილი.

არასამთავრობო ორგანიზაცია “თანასწორობის მოძრაობის” ცნობით, რომელიც „ტოლერანტობისა და მრავალფეროვნების ინსტიტუტთან“ ერთად ვაგდი ელკორაეის ინტერესებს იცავდა, სასამართლომ გააბათილა ლტოლვილთა სამინისტროს უარი თავშესაფრის მიცემაზე  და სამინისტროს დაავალა, ახალი გადაწყვეტილება მიიღოს.

“მოსარჩელე თავის ქვეყანაში ქრისტიანული სარწმუნოებისა და სექსუალური ორიენტაციის გამო იდევნება. სამშობლოში დაბრუნების შემთხვევაში, მას პატიმრობა და სიცოცხლისა და ჯანმრთელობისათვის მნიშვნელოვანი საფრთხე ემუქრება”, – აცხადებს თანასწორობის მოძრაობა.

ლტოლვილთა და განსახლების სამინისტროს პასუხში ეწერა, რომ ვაგდი ელკორაეი აკმაყოფილებს ლტოლვილის სტატუსის შესახებ ჟენევის კონვენციის მე-15 მუხლით განსაზღვრულ კრიტერიუმებს, თუმცა ივარაუდა, რომ მისი საქართველოში ყოფნა შესაძლოა საფრთხეს უქმნიდეს საქართველოს ინტერესებს.

ნეტგაზეთის მასალების სხვა გამოცემებში გადაბეჭდვის წესი
ავტორი
მიშა მეფარიშვილი არის ნეტგაზეთის რეპორტიორი 2010 წლიდან. აშუქებს კულტურის პოლიტიკის, ადამიანის უფლებების საკითხებს და სხვა მიმდინარე თემებს. Email: mishameparishvili@gmail.com