“გმირები, რომლებმაც საკუთარი სიცოცხლე გასწირეს მოქალაქეების ქონებისა და სიცოცხლის გადასარჩენად”, – ასე შეაფასა აშშ–ის პრეზიდენტმა ბარაკ ობამამ 19 დაღუპული მეხანძრე.

არიზონაში, ქალაქ ფენიქსთან ახლოს ხანძარი პარასკევს გაჩნდა, რის გამოც ორი დასახლების ევაკუაცია განხორციელდა, დაიწვა 200–მდე შენობა. 

დაღუპული მეხანძრეები ელიტურ მეხანძრეთა ჯგუფის წევრები იყვნენ და ისინი გაწვრთნილები იყვნენ ტყის სიღრმეებში ხანძრის ჩასაქრობად და ამ მხრივ დიდი გამოცდილებაც ჰქონდათ.