აჰმედ იმამკულიევი, “ევროპული საქართველოს” მერობის კანდიდატი მარნეულში აცხადებს, რომ მათ ადგილობრივ აქტივისტს – მაჰმედ ჰუსეინოვს “ქართული ოცნების” კანდიდატი მირქაზიმ იაგუბოვი ფიზიკურად გაუსწორდა.
მისი თქმით, შემთხვევა 58-ე საარჩევნო უბანთან, მარნეულის სოფელ ქვემო სარალში მოხდა.
იმამკულიევის განცხადებით, ევროპული საქართველო მომხდარ ფაქტზე აპირებს, რომ შსს-ს მიმართოს.
თავად აქტივისტი კი, რომელიც ადგილზე იმყოფება, მედიასთან საუბარში აცხადებს, რომ ფიკიზური შეურაცხყოფის შედეგად მას ტანსაცმელი შემოეხია და ყელსაბამი გაუწყდა. აქვე იმყოფება ევროპული საქართველოს ერთ-ერთი ლიდერი გიგა ბოკერია.
