აქცია, რომელიც 25 მაისს ჩატარდა, მიმართული იყო მეტროპოლიტენის ადმინისტრაციის წინააღმდეგ. მეტროპოლიტენის ადმინსიტრაციამ რამდენიმე დღის წინ მოუწოდა მგზავრებს, რომ საჯაროდ მოერიდონ კოცნას და იმოქმედონ “მორალური ნორმების ფარგლებში”. ამ გაფრთხილების მიზეზი გახდა ვიდეოკამერების მიერ დაფიქსირებული ორი ახალგაზრდა, რომლებიც ერთმანეთს კოცნიდნენ.
კოცნის აქციის მონაწილეების მოსაზრებით, მეტროს ადმინისტრაციას უფლება არა აქვს მოქალაქეებს “მორალურ ნორმებზე” ესაუბროს.
ტელეარხ “ალ ჯაზირას” ცნობით, თურქეთის ოპოზიციონერი პარლამენტარები შიშობენ, რომ მმართველი პარტია ცდილობს ქვეყანაში ისლამის როლის ზრდას და სეკულარული პრინციპების ხელყოფას, რის გამოვლინებადაც მიიჩნევენ მეტროს ადმინისტრაციის გაფრთხილებას.
მეტროსადგურთან გამართულ საპროტესტო აქციას რამდენიმე მეტრში აპროტესტებდა 20–მდე კონსერვატორი, თუმცა, სამართალდამცავებმა მათ შორის ბარიკადები აღმართეს და ინციდენტიც არ მომხდარა.
![„ჩალის ფასიც არა, ჩალაძის ფასი აქვს [ევროპარლამენტის] რეზოლუციას“ — კობახიძე](https://netgazeti.ge/wp-content/uploads/2024/03/Untitled-design-4-13.jpg "„ჩალის ფასიც არა, ჩალაძის ფასი აქვს [ევროპარლამენტის] რეზოლუციას“ — კობახიძე")
