დაახლოებით დღის 2 საათზე, პოლიციამ კრწანისის მოედნიდან გულუას მოედნამდე ტერიტორია გადაკეტა. ასევე მკვეთრად იყო გაყოფილი აქციის მონაწილეებს შორის დისტანცია. ორივე შეკრება მშვიდობიანად და დაპირისპირების გარეშე დასრულდა.
“არა ძალადობას, ეს არის ჩვენი მოთხოვნა და ამის პრევენციისთვის ერთადერთი ზომა რაც შეიძლება იქნას მირებული ეს არის კანონის უზენაესობა და იმ მოვლენების გამოძიება რაც მოხდა 17 მაისს. ჩვენი აზრით სუბიექტურია სასამართლოს მიდგომა სასულიერო პირების მიმართ. ნებისმიერი ადამიანი თანასწორია და კანონი ყველასთვის ერთია”–განაცხადა აქციის ერთ–ერთმა მონაწილემ თინათინ ასათიანმა.
რაც შეეხება ეროვნული ფრონტის წარმომადგენლებს, გარდა “ლგბტ პროპაგანდის” აკრძალვის მოთხოვნისა, მათი განცხადებით, ფსევდო-ლიბერალური ფრთა ცდილობს 17 მაისის მოვლენები გადააბრალოს საქართველოს მართლმადიდებელ ეკლესიას და სასულიერო პირებს, რაც ისევ და ისევ ქართულ საზოგადოებაზე იდეოლოგიური ძალადობის ელემენტებს შეიცავს.
5 საათისთვის, როდესაც პროკურატურის წინ მიმდინარე აქციები დასრულდა და პოლიციამ გზა გახსნა, პატრულის ერთ–ერთ თანამშრომელს ტაქსი დაეჯახა. საპატრულო პოლიციის თანამშრომელი სასწრაფო სამედიცინო დახმარების გამოძახების შემდეგ საავადმყოფოში გადაიყვანეს.
