მოსამართლემ შეკითხვით მიმართა ვანო მერაბიშვილს, იყო თუ არა ის ნასამართლევი, რაზეც მერაბიშვილმა მიუგო: “ჯერ არა”.
ამას გარდა, მოსამართლემ ყოფილ პრემიერს უთხრა, დაესახელებინა მისი ფაქტობრივი საცხოვრებელი სახლის მისამართი, რაც ბრალდებულმა ვერ გაიხსენა და დარბაზში მყოფმა უმცირესობის დეპუტატებმა “უკარნახეს” – პეტრიაშვილის ქუჩა #27, რომელიც ბიზნესმენ გიორგი კორახაშვილს ეკუთვნის, მაგრამ იქ მერაბიშვილი ცხოვრობს.
პროკურატურამ სასამართლო პროცესზე ორივე ბრალდებულისთვის პატიმრობა მოითხოვა აღკვეთის ღონისძიების სახით.
