ახალი ამბები

პრეზიდენტის ადმინისტრაცია მთავრობას მიმართავს და აფრთხილებს

15 მაისი, 2013 •
პრეზიდენტის ადმინისტრაცია მთავრობას მიმართავს და აფრთხილებს

ახალი ხელისუფლების ამგვარ დამოკიდებულებას, როგორც განცხადებაშია ნათქვამი, შეიძლება მოყვეს კატასტროფული შედეგი ჩვენი ქვეყნისათვის, რაზეც პასუხისმგებლობა, პრეზიდენტის ადმინისტრაციის განმარტებით, მთლიანად ამ გამოძიების ინიციატორებს დაეკისრებათ.


“საქართველოს ხელისუფლების დიპლომატიური ჩარევის შედეგად ოკუპანტმა სახელმწიფომ ჩვენი ტერიტორიების აღიარების საკითხთან დაკავშირებით მიზანს თითქმის ვერსად მიაღწია. სწორედ ამ დიპლომატიის შედეგია, რომ ყველა მნიშვნელოვანი საერთაშორისო ორგანიზაცია, ისევე როგორც მსოფლიოს სახელმწიფოები, ერთეული რეჟიმების გამოკლებით, აღიარებენ საქართველოს ტერიტორიულ მთლიანობას და რუსეთის მიერ საქართველოს განუყოფელი რეგიონების ოკუპაციის ფაქტს. ასევე, ყველა მნიშვნელოვან საერთაშორისო დოკუმენტში ასახულია ტერმინი „ოკუპაცია“, რაც ქმნის იმის გარანტიას, რომ გარდაუვლად დადგება დეოკუპაციის დროც,”- ნათქვამია განცხადებაში, რომელიც პრეზიდენტის ადმინისტრაციამ დღეს, 15 მაისს გამოაქვეყნა.

 

როგორც განცხადებაში წერია, “ნებისმიერი ხელისუფლების ვალდებულებაა, მუდმივად იცავდეს საკუთარი ქვეყნის ინტერესებს, რაც თანმიმდევრულ პოლიტიკასა და მსოფლიოს ლიდერებთან აქტიურ ინტერაქციასაც გულისხმობს. სამწუხაროდ, ამჟამინდელი მთავრობის ზემოაღნიშნული პოზიცია 2008 წლის ომის გამოძიებასთან დაკავშირებით, არათანმიმდევრული დიპლომატია და განცხადებები კოსოვოს მოდელის მისაღებობის შესახებ დასახელებულ მიზნებს ვერ მოემსახურება.”

 

საქართველოს პრეზიდენტის ადმინისტრაცია მწუხარებას გამოხატავს, რომ რამდენიმე კვირის წინ პრემიერისთვის ამ საკითხზე გაგზავნილ სპეციალური წერილს არავითარი რეაგირება არ მოჰყოლია.  

 

“კიდევ ერთხელ მოვუწოდებთ პრემიერ-მინისტრსა და მთლიანად მთავრობას, კარგად დაფიქრდნენ მათი ქმედებების შესაძლო კატასტროფული შედეგების შესახებ და, საქართველოს სასიცოცხლო ინტერესებიდან გამომდინარე, მოახდინონ პოლიტიკის კორექტირება ფუნდამენტურ საკითხებთან დაკავშირებით. საქართველოს პრეზიდენტი კვლავაც გამოთქვამს მზადყოფნას, მჭიდროდ ითანამშრომლოს საქართველოს მთავრობასთან არაღიარების პოლიტიკისა და რუსეთის მიერ ოკუპირებული ტერიტორიების დეოკუპაციის, ისევე როგორც ქვეყნის უსაფრთხოებასა და განვითარებასთან დაკავშირებული ნებისმიერი მიმართულებით,”- წერია განცხადებაში. 

 

მასალების გადაბეჭდვის წესი