ახალი ამბები

აგვისტოს ომს რვაკაციანი საგამოძიებო ჯგუფი შეისწავლის

14 მაისი, 2013 •
აგვისტოს ომს რვაკაციანი საგამოძიებო ჯგუფი შეისწავლის

საქართველოს მთავარი პროკურატურის ინფორმაციით, საგამოძიებო ჯგუფი სამი უწყების წარმომადგენლებით დაკომპლექტდება:

 

“აღნიშნული საქმის გამოძიების მნიშვნელობის, სისხლის საამართლის საქმის დიდი მოცულობისა და კომპლექსურობის გამო, აგრეთვე, საერთაშორისო სისხლის სამართლის სასამართლოს წესდების – რომის სტატუტითა და საქართველოს მიერ ნაკისრი სხვა საერთაშორისო ვალდებულებების გათვალიწინებით, მთავარმა პროკურორმა სისხლის სამართლის საქმეზე გამოძიების წარმოება მთავარი პროკურატურის, შინაგან საქმეთა სამინისტროს და თავდაცვის სამინისტროს სამხედრო პოლიციის დეპარტამენტის  თანამშრომლებს დაავალა”, – ნათქვამია პროკურატურის განცხადებაში.

 

სისხლის სამართლის საქმეს საპროცესო ხელმძღვანელობას საქართველოს მთავარი პროკურატურის საგამოძიებო ნაწილის უფროსის მოვალეობის შემსრულებელი მირანდა მელქაძე და საქართველოს მთავარი პროკურატურის სამართლებრივი უზრუნველყოფის დეპარტამენტის უფროსის მოადგილე მედეა როსებაშვილი გაუწევენ.

მასალების გადაბეჭდვის წესი