ახალი ამბები

კანცელარიასთან გაიმართა ბათუმში ნაცემი ქვიარ აქტივისტების მხარდასაჭერი აქცია

25 აგვისტო, 2017 • 1621
კანცელარიასთან გაიმართა ბათუმში ნაცემი ქვიარ აქტივისტების მხარდასაჭერი აქცია

თბილისში, მთავრობის ადმინისტრაციის შენობასთან, გაიმართა ბათუმში ნაცემი ქვიარ აქტივისტების მხარდასაჭერი აქცია.

არასამთავრობო ორგანიზაცია “თანასწორობის მოძრაობის” ორი წევრი  25 აგვისტოს დილით ბათუმში დააკავეს – ორგანიზაციის წევრების თქმით, ისინი ნაცემი არიან. “თანასწორობის მოძრაობაში” აცხადებენ, რომ ორგანიზაციის აღმასრულებელ დირექტორ ლევან ბერიანიძეს და ორგანიზაციის კიდევ ერთ წევრს ბათუმის პოლიციის თანამშრომლებმა სცემეს.

აქციის მონაწილეები მომხდარის გამოძიებას მოითხოვენ:

“ჩვენ, ლგბტქი ადამიანები, ძალადობას განვიცდით არა მხოლოდ საზოგადოების ჰომოფობიურად განწყობილი ნაწილისგან, არამედ ჩვენზე ძალადობს სახელმწიფოც, რომელიც ნაცვლად იმისა, რომ დაიცვას ლგბტქი ადამიანები, თავად ხდება ამ ძალადობრივი ქმედებების თანამონაწილე” – ამბობენ აქციის მონაწილეები.

25.08.17 ფოტო: ნეტგაზეთი მიშა მეფარიშვილი

25.08.17 ფოტო: ნეტგაზეთი მიშა მეფარიშვილი

 

მასალების გადაბეჭდვის წესი