ახალი ამბები

ბიზნესდაჯილდოებაში მონაწილეობის მსურველთა რეგისტრაცია 15 აგვისტოს ჩათვლით გრძელდება

3 აგვისტო, 2017 • 1428
ბიზნესდაჯილდოებაში მონაწილეობის მსურველთა რეგისტრაცია 15 აგვისტოს ჩათვლით გრძელდება

თუ თქვენ საკუთარი ბიზნესი გაქვთ და ფიქრობთ, რომ თქვენი წარმატების ისტორია სხვებსაც გაუზიაროთ, დარეგისტრირდით ბიზნესდაჯილდოება 2017-ში.

მონაწილეთა რეგისტაცია 15 აგვისტოს ჩათვლით  გაგრძელდება. ბიზნესდაჯილდოება თიბისი ბანკისა და ჯეოსელის ერთობლივი პროექტია, რომელიც წელს უკვე მეორედ იმართება. პროექტის მიზანია ხელი შეუწყოს საქართველოში არსებული ბიზნესების  განვითარებას და ახალი ბიზნესების წამოწყებას.

მონაწილეობის მიღება შესაძლებელია შემდეგ ნომინაციებში :

[checklist]

  • წლის ინოვაციური ბიზნესი
  • წლის ტურისტული ბიზნესი
  • წლის აგრობიზნესი
  • წლის ქართული პროდუქტი
  • წლის მცირე ბიზნესი
  • წლის ბიზნესი
  • წლის სტარტაპერი

[/checklist]

რეგისტრაციის გავლა შესაძლებელია ონლაინ, ვებგვერდზე www.businessaward.ge. უკვე დარეგისტრირებული კომპანიების შესახებ ინფორმაცია ბიზნესდაჯილდოების ფეისბუქის გვერდიდან  ბიზნეს დაჯილდოება • business award შეგიძლიათ მიიღოთ.

დაჯილდოების მონაწილეებს დამოუკიდებელი ჟიური შეაფასებს, სექტემბრის დასაწყისისთვის უკვე ცნობილი იქნება ფინალისტების ვინაობა – თითოეულ ნომინაციაში სამი ფინალისტი შეირჩევა. ფინალისტების შესახებ აქტიურ პიარ და მარკეტინგულ კამპანიას თიბისი ბანკი და ჯეოსელი განახორციელებენ.

გამარჯვებულები კომპანიები ნოემბრის ბოლოს, დაჯილდოების ფინალურ ცერემონიაზე დასახელდება. ყველა ნომინაციაში გამარჯვებულს ჟიური დაასახელებს, გამონაკლისია ნომინაცია „წლის სტარტაპერი“, სადაც გამარჯვებული საყოველთაო ხმის მიცემის პრინციპით გამოვლინდება.

მასალების გადაბეჭდვის წესი